Хэлэлцүүлгийн Бичлэг:
“Монголчууд Ашгийн Төлөө Бус Үйл Ажиллагаа Эрхлэгчид” Онлайн Хэлэлцүүлэг
9 сарын 18-ны Баасан гаригт СST цагаар 6:30pm, Улаанбаатарт бямба гаригийн өглөө 7:30am цагт уулзацгаая!!! Бид энэ удаагийн онлайн арга хэмжээндээ монголд ашгийн төлөө бус үйл ажиллагаа эрхлэгч залуучуудын төлөөллүүдийг урьж оролцуулахаар болсон байгаа.
Үйл ажиллагааны хөтөлбөр:
Эхний 45 минут | Хэлэлцүүлэг | Төмөрбатын Тэмүүлэн хөтлөн явуулна.
45 минут | Чөлөөт асуулт хариултын цаг | Зочин оролцогчдоос хамгийн их сонирхол татсан мөн асуулт асуухыг хүссэн нэг оролцогчийг сонгон тухайн оролцогчийн хэлэлцүүлгийн өрөөнд хуваагдан орно. Та бүхэн сонирхсон бүхий л сэдвээр манай зочдоос асуулт асууж, хариулт авах боломжтой.
Зочин оролцогчдын товч танилцуулга:
Гүйцэтгэх захирал | Зориг сан
Маралмаа нь Монголын тэргүүлэх ашгийн бус байгууллагуудын нэг болох Зориг сангийн гүйцэтгэх захирлаар ажилладаг. Тус байгууллага нь ардчилал, залуучууд тэдний боловсрол, олон нийтийн хөгжлийг дэмжих үйл ажиллагаа, хөтөлбөрүүдээрээ олон нийтэд танигдсан. Тэрээр өмнө нь энэхүү байгууллагатаа хөтөлбөрийн зохицуулагчаар ажиллаж, хөдөө орон нутгийн эмэгтэйчүүд, ажилгүй залуучууд зэрэг нийгмийн эмзэг бүлгийг чадавхижуулах шинэлэг хөтөлбөр боловсруулж байжээ. Энэ ажил үүргээс гадна тэрээр Дэлхийн эдийн засгийн форумын Global Shapers Community-д ажиллаж, Young Professionals 'Group-Mongolia-ийн удирдах зөвлөлд мөн харьяалагддаг. Маралмаа нь Brigham Young University-ldaho-д суралцаж, Обама Фо-гоор сонгогдож байсан юм.
Төслийн Туслах | Олон Улсын Цагаачлалын Байгууллага
Сэрд-Янживын Мөнхчулуун нь НҮБ-ын Цагаачлалын агентлаг болох ОУБ-ын Монгол дахь хүний наймаатай тэмцэх мэргэжилтэн бөгөөд хүний наймааны хохирогчдыг аюулгүй эх оронд нь авчрах, хүний наймааны эсрэг төслүүдийг хэрэгжүүлдэг. Тэрээр МУИС-ийн Гадаад харилцааны сургуулийн Олон улсын харилцааны бакалавр, БНСУ-ын Сөүл хотын EWHA Woman’s их сургуулийн Олон улсын судлалын магистр зэрэгтэй. Тэрээр сүүлийн 8 жилийн хугацаанд дотоодын болон олон улсын төрийн бус байгууллагуудад хүн худалдаалах гэмт хэргийн хохирогчдод тусламж үзүүлэх, хууль сахиулах байгууллагын ажилтнуудыг чадавхижуулах, хүний наймааны хэргийг илүү сайн хянан шийдвэрлэх, эмзэг бүлгийн залуу охид, эмэгтэйчүүдийг хүнд хөдөлмөр, бэлгийн боолчлолоос хамгаалахь урьдчилан сэргийлэх, мэдлэг, боловсрол олгох чиглэлээр ажиллаж байна.
Grants Officer | Urgent Action Fund for Women's Human Rights
Бэлгүүн нь бага наснаасаа эмээ, өрх толгойлсон ээжээсээ энэ төрлийн амьдралын талаар асар их сургамж авч өссөн. Тиймдээ ч хүний эрх, эмэгтэйчүүдийг дэмжих хүсэл эрмэлзэл нь түүний сэтгэл дотор гүн шингэсэн байдаг. Энэхүү туулж өнгөрүүлсэн амьдралын туршлагынхаа үр дүнд тэрээр бүх эмэгтэйчүүдэд эдийн засаг, улс төр, нийгмийн шударга ёсыг сахиулах үүрэг хүлээсэн хүн гэж өөрийгөө үздэг. Бэлгүүн нь өөрөө цагаач мөн нийгмийн цөөнх тул энэ байдал нь түүнийг охид бүсгүйчүүд болон нийгмийн цөөнх хүмүүст өөрсдийгөө нийгэмд хүлээн зөвшөөрүүлэхэд нь туслах мөн цаашид ч тийм байх тогтвортой нийгмийг бий болгоход өөрийн эрхгүй хөтөлдөг. Тэрээр дэлхийн өнцөг булан бүрт байгаа эмэгтэйчүүдийг гадуурхдаг эцгийн эрхт ёс болон дарангуйлагч бүх системийг татан буулгах чин эрмэлзэлтэй байдаг. UAF-д элсэхээсээ өмнө Бэлгүүн Калифорнийн хамгийн том CalAsian худалдааны танхимд хөтөлбөрийн менежерээр ажиллаж байсан. Мөн Сан-Франциско дахь Монгол Улсын Ерөнхий консулын газарт эдийн засаг, улс төрийн хөгжлийн стратеги судлах ажилд дадлага хийж байсан. Тэрээр Сан Францискогийн Их Сургуулийн Хүний эрх, олон улсын судлалаар магистр, Дэвис дэх Калифорнийн Их Сургуулийн Олон улсын харилцааны чиглэл, тэр дундаа голчлон энх тайван аюулгүй байдал чиглэлээр баклаврын зэрэг хүртсэн.
Газрын Захирал | People In Need
Тим нь Азийн орнуудын засгийн газруудыг дэмжин ажиллаж, тэр дундаа бүс нутгийн хэмжээнд эдийн засаг, нийгмийн хөгжлийг дэмжихэд хамтын ажиллагааг хөгжүүлэх, санхүүжилт босгоход үнэтэй хувь нэмрээ оруулан ажиллаж байсан арав гаруй жилийн туршлагатай. Мөн Монголд хүний эрх, нөхөн үржихүйн эрүүл мэнд, эмэгтэйчүүд, охидын эсрэг хүчирхийллийг таслан зогсоох чиглэлээр олон жил ажиллаж байсан. Одоогоор People In Need газрын захирлаар ажиллаж байгаа. Сайн сайхан ертөнцийг бүтээхийн тулд үүнийг илүү хүртээмжтэй болгохоос бүх зүйл эхэлнэ гэж тэрээр итгэж явдаг.